Dydd Gwener 30 Mai - Dydd Sadwrn 12 Gorffennaf 2025
Rhagolwg Cyhoeddus: Dydd Iau 29 Mai, 6pm - 8pm (Am ddim - Croeso i bawb)
Arddangosfa’n Parhau: Dydd Gwener 30 Mai - Dydd Sadwrn 12 Gorffennaf 2025
Dydd Mercher - Dydd Sadwrn, 12pm - 5pm
Wedi'i lansio yn 2022, Ffocws yw rhaglen ddatblygu flynyddol Ffotogallery ar gyfer graddedigion ac artistiaid sy'n dod i'r amlwg, sy'n cynnwys mentora a chyflwyno gwaith. Mae Liam Anthony, Lucy Beckett, Llŷr Evans, Taiye Omokore, Alina Potapenko a Madiha Malik wedi cael eu dewis ar gyfer y cyfle hwn eleni, a byddant yn cyflwyno eu gwaith yn Ffotogallery mewn arddangosfa newydd a fydd yn agor gyda rhagolwg cyhoeddus am 6pm, 29 Mai 2025.
Mae Ffocws yn rhan o genhadaeth Ffotogallery i gefnogi artistiaid gweledol sydd ar ddechrau eu gyrfa yng Nghymru, i'r rhai sydd wedi bod trwy addysg ffurfiol, a'r rhai sydd wedi cael llwybrau eraill i mewn i ffotograffiaeth. Dewiswyd artistiaid yn dilyn galwad agored a wahoddodd raddedigion diweddar ac artistiaid sy'n dod i'r amlwg sydd wedi bod trwy fathau eraill o addysg, yn ogystal ag enwebiadau gan wahanol arweinwyr cwrs mewn Ffotograffiaeth ledled Cymru. Cefnogir Ffocws 2025 yn hael gan Ymddiriedolaeth Darkley ac Ymddiriedolaeth Oakdale.
Dywedodd Siân Addicott , Cyfarwyddwr Ffotogallery: “Rydym wrth ein bodd yn arddangos y casgliad eithriadol hwn o ffotograffwyr sy’n dod i’r amlwg yn Ffotogallery. Mae amrywiaeth y themâu, y technegau, a’r lleisiau artistig unigryw yn adlewyrchu’r creadigrwydd cyfoethog mewn talent ffotograffig sy’n ffynnu ledled Cymru. Nawr yn ei drydydd rhifyn, bydd Ffocws yn cynnig cymorth gyrfa hanfodol, wedi’i deilwra, a chyfleoedd rhwydweithio i helpu’r artistiaid hyn i lywio camau cynnar hanfodol eu teithiau proffesiynol.”