Uchafbwyntiau Sioe Haf CSAD 2024: Olivia

Luke McLeod – BA (Hons) Dylunio

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Rwy’n ddarlunydd/artist amlddisgyblaethol 22 oed o Sir Benfro. Fel arfer byddaf yn tynnu ar fy mhrofiadau byw a'm hamgylchedd, mewn ymdrech i gysylltu â'r rhai sy'n dod ar draws fy ngwaith, gan ddod o hyd i le cyffredin i atseinio. Mae llawer ohono'n deillio o'r arfordir a'r gofodau dw i'n byw ynddynt (lleoedd domestig; ystafell wely ac ati) ac mae rhan fawr o hynny yn dod o fy magwraeth a fy Mam wych.  

Astudiais ddarlunio yn CSAD (rhan o Brifysgol Fetropolitan Caerdydd) a dechreuais fy mlwyddyn gyntaf yn trio gweithio allan pa fath o ddarlunydd oeddwn i, sut olwg ddylai fod ar fy ngwaith, ac os oeddwn yn ddarlunydd o gwbl hyd yn oed! Gydag arweiniad carfan galonogol frwdfrydig ac ehangder gwych y cwrs, gwn fy mod yn ddarlunydd erbyn hyn.

2. Pam dewisoch chi astudio yng Nghaerdydd?

Rydw i’n dod yn wreiddiol o arfordir Gorllewin Cymru ac roedd yn teimlo’n bwysig i aros ynghlwm wrth fy ngwreiddiau Cymreig ond i brofi ochr wahanol i’r wlad, yn ymestyn allan mewn rhai ffyrdd trwy symud i ddinas ond yn dal i fod yn ddigon agos i deimlo’n gyfforddus. Mae Caerdydd hefyd yn wyrdd iawn ac mae llawer o harddwch naturiol o amgylch y ddinas a oedd yn bwynt gwerthu i mi.

3. Sut mae eich amser yng Nghaerdydd wedi eich siapio a llywio eich ymarfer?

Wrth symud o gefn gwlad, rydw i wedi gallu sylwi ar y newidiadau yn fy annibyniaeth, yr aeddfedrwydd a'r twf wrth i mi symud ymlaen trwy fy 20au. Mae symud i ddinas wedi bod yn addysgiadol iawn o sut rwy'n gwerthfawrogi 'cartref' ac mae'r nodweddion a'r themâu hynny wedi dod yn fyw yn fy ymarfer. Rwy'n aml yn gweithio gyda themâu sy'n agos at fy nghalon ac mae cartref a'r domestig wedi bod yn thema bwysig yn ddiweddar.

4. Pe bai'n rhaid i chi ddewis, ble fyddai eich hoff le yng Nghaerdydd?

Fy hoff le yng Nghaerdydd... mae'n anodd dewis rhwng glannau'r afon o dan y coed ar Daith Taf a siop goffi Siblings yn y Rhath (awyrgylch gwych, coffi anhygoel ac mae'r siblings yn bobl hyfryd iawn).

5. A oes gennych unrhyw obeithion penodol ar gyfer bywyd ar ôl graddio?

Ar ôl graddio rwy'n gobeithio cadw'r ymdeimlad o ryfeddod wedi'i ysgogi ynof gan fy narlithwyr gwych a'm cyfoedion er mwyn dal ati a mynd ag ef gyda mi beth bynnag a wnaf nesaf. Rwy'n gobeithio cofrestru ar gwrs MA yn Llundain a byddaf yn mynd â rhyfeddod Cymru gyda mi!

6. Ble gallwn ni ddod o hyd i chi a'ch gwaith?

Gallwch ddod o hyd i fy ngwaith ar Instagram @lukemcleod.illo neu lukemcleod.co.uk

Sophie Jo Edwards – BA (Hons) Serameg

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Sophie Jo Edwards ydw i, ceramegydd sy'n 28 oed o Orllewin Cymru. Cefais fy magu ar fferm wledig Gymraeg ers oeddwn i'n 2 oed a mynychais ysgolion cynradd ac uwchradd bach iawn cyfrwng Cymraeg (dim ond 9 o ddisgyblion oedd gan y cynradd ar ôl pan gaeodd!). Graddiais yn ddiweddar gyda gradd anrhydedd dosbarth cyntaf mewn Serameg. Mae fy ngwaith yn canolbwyntio ar serameg wedi'i saernïo'n feddylgar sydd wedi'i dylunio i ddyrchafu profiadau coginio trwy swyddogaeth ac ymgysylltiad. 

Rwy’n cael pleser o gyrchu clai yn uniongyrchol o’r tir ac arbrofi gyda llwyni a lludw coed i gyfoethogi fy ngwydredd. Yn fwy diweddar, rwyf wedi symud i ffwrdd o daflu i gerfio a rhwygo clai, techneg a ddatblygais gan ddefnyddio clai caletach i ddarparu ar gyfer yr heriau a achosir gan ecsema fy llaw.

2. Pam dewisoch chi astudio yng Nghaerdydd?

Fe wnes i ddechrau dilyn cwrs Celfyddydau Creadigol ym Mhrifysgol Bath Spa, ond sylweddolais yn fuan fy mod eisiau arbenigo mewn serameg. Er bod hyn yn golygu newid cyrsiau prifysgol, cymerais naid i astudio yng Nghaerdydd. Wedi fy nghyffroi gan y cwrs serameg enwog, cefais fy nghroesawu i ail flwyddyn y rhaglen. Gan adlewyrchu ar yr amser hwnnw, cymerodd lawer o ddewrder i symud i ddinas newydd lle nad oeddwn yn adnabod unrhyw un a dechrau o'r dechrau. Fodd bynnag, dwi'n edrych yn ôl ar y penderfyniad a’r cyfnod hwnnw yn fy mywyd gyda theimlad o falchder yn fy agwedd at y dechrau newydd hwn.

3. Sut mae eich amser yng Nghaerdydd wedi eich siapio a llywio eich ymarfer?

Roedd symud i Gaerdydd yn garreg filltir arwyddocaol yn fy mywyd. Cyn i mi ymuno â’r cwrs, llwyddodd fy mhartner a minnau i grafu blaendal gyda’n gilydd i brynu ein tŷ cyntaf yma. Dyma ni'n defnyddio'r tŷ fel siop greadigol trwy ei addurno a’i drawsnewid yn hafan fach yng nghanol prysurdeb Clifton Street. Dechreuon ni redeg Airbnb ac yn fuan roeddem yn croesawu ymwelwyr wythnosol i Gaerdydd, a oedd yn ffordd wych o gysylltu â'r ddinas. 

Mae fy nghreadigrwydd yn ymestyn y tu hwnt i'r stiwdio; mae'n arfer cyfannol sy'n canolbwyntio ar y cartref. Mae'r sefydlogrwydd a'r ymdeimlad y mae ein cartref wedi'u darparu wedi dylanwadu'n fawr ar fy ngwaith. Wrth i mi setlo i fywyd yng Nghaerdydd, roedd fy nghreadigrwydd yn ffynnu. Erbyn y tymor olaf, roeddwn i'n cynhyrchu peth o'm gwaith serameg gorau hyd yma, ac rwy'n ei briodoli i hierarchaeth anghenion Maslow - mae teimlo'n ddiogel, bod ag ymdeimlad o berthyn, a bod yn rhan o gymuned wedi bod yn hanfodol ar gyfer fy nhwf creadigol.

4. Pe bai'n rhaid i chi ddewis, ble fyddai eich hoff le yng Nghaerdydd?

Fy hoff le yng Nghaerdydd fyddai fy nghartref! Mae'n noddfa sy'n adlewyrchu creadigrwydd, gwaith caled, a chariad. Mae cynnal gwesteion trwy Airbnb hefyd wedi ei wneud yn ofod croesawgar i eraill ei fwynhau, sydd wedi bod yn werth chweil. Fodd bynnag, yn byw yng Nghaerdydd, rydym mor ffodus â bod o gwmpas llawer o lefydd hyfryd, naturiol i fynd ar anturiaethau. Y tu allan i fy nghriw fy hun, byddwn i’n dweud mai fy hoff le yw coedwigoedd hynafol y Fforest Fawr, y coetir sy’n gefndir i Gastell Coch. Gallwch chi hel garlleg gwyllt yno yn y gwanwyn, edmygu clychau’r gog, neu fwynhau’r golau brith drwy’r llwybrau cerdded hamddenol. Rwyf hefyd yn caru Parc Bute oherwydd ei goed arbennig a’i fannau agored gwyrdd.

5. A oes gennych unrhyw obeithion penodol ar gyfer bywyd ar ôl graddio?

Un o fy ngobeithion ar gyfer bywyd ar ôl graddio yw dechrau stiwdio grochenwaith gyda fy mhartner George, sydd hefyd yn grochenydd yma yng Nghaerdydd. Rydyn ni'n gwneud tîm gwych - mae'n rhagori mewn taflu swp a chynhyrchu, tra bod gen i lygad craff am fanylion ac angerdd am addurno. Rydym hefyd yn gyffrous i ddechrau teulu gyda'n gilydd; Rwyf bob amser wedi bod â greddf famol gref, ac mae bod yn rhiant yn teimlo ei fod ar y gorwel i ni. Rwy’n credu’n gryf mewn pethau sy’n digwydd ar yr amser iawn, felly am y tro, rwy’n cofleidio'r cyfnod hwn wrth anelu at adeiladu ar y momentwm yn dilyn llwyddiannau fy sioe radd.

6. Ble gallwn ni ddod o hyd i chi a'ch gwaith?

Tra fy mod yn y broses o sefydlu stiwdio newydd, y lle gorau i ddod o hyd i mi yw yn ddigidol, trwy fy nhudalen Instagram @hand_and_land_ceramics. Byddaf yn postio diweddariadau byw ar ddarnau sydd ar werth ac yn rhoi gwybod i ddilynwyr am fy mhrosiectau a datblygiadau diweddaraf.

James Pritchard – BA (Hons) Dylunio Ffasiwn

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

James Pritchard ydw i, sydd ar fin graddio mewn dylunio ffasiwn o Brifysgol Fetropolitan Caerdydd. Yn ystod fy amser ym Met Caerdydd, rwyf wedi cyflawni sawl carreg filltir yr wyf yn falch ohonynt. Arddangoswyd fy nillad buddugol yn John Lewis, cefais fy newis fel enillydd gan y felin wlân Gymreig Melin Tregwynt, a’m dewis ar gyfer arddangosfa dosbarth 2024 yn Wythnos Ffasiwn Raddedigion yn Llundain. Yn ogystal, bydd un o fy nillad yn cael ei arddangos cyn bo hir yn yr Eisteddfod Genedlaethol yn cynrychioli fy mhrifysgol. Drwy gydol fy mlynyddoedd o astudio, mae cynaliadwyedd wedi cael ei annog erioed, gan arwain at arddangos un o fy nillad yn y Senedd ar gyfer yr elusen gynaliadwy SustFashWales, sy’n gwthio’r agenda ffasiwn a thecstilau cynaliadwy gyda llywodraeth Cymru. Mae cefndir fy nheulu mewn antiques wedi dylanwadu'n fawr ar fy arddull dylunio. Rwy'n mwynhau ymgorffori technegau traddodiadol a thecstilau gyda mymryn o ffraethineb.

2. Pam dewisoch chi astudio yng Nghaerdydd?

Dewisais i astudio yng Nghaerdydd i ddechrau oherwydd ei fod mor agos at le rydw i’n dod, ond a minnau yng Nghaerdydd, buan iawn y teimlais lawer iawn o annibyniaeth a rhyddid. Rydych chi'n bendant yn cael y gorau o'r ddau fyd yma; gallwch fod mewn rhan sy’n teimlo fel dinas brysur, a thrwy deithio 15 munud allan, gallwch ganfod eich hun yng nghefn gwlad. Roedd y cymysgedd hwn yn apelio’n fawr ataf, gan y gallai’r syniad o fod mewn dinas fwy ddod yn llethol yn hawdd.

3. Sut mae eich amser yng Nghaerdydd wedi eich siapio a llywio eich ymarfer?

Dyw Caerdydd ddim wedi fy siapio’n union, ond mae wedi rhoi’r rhyddid i mi fod yr hyn rydw i eisiau bod a gwneud yr hyn rydw i eisiau ei wneud. Mae gan Gaerdydd leoliadau mor wych sy’n caniatáu i mi feddwl yn fwy rhydd a chreadigol. Mae hefyd wedi fy helpu i werthfawrogi fy nghartref a fy nheulu. Mae hyn yn amlwg yn fy nghasgliad olaf a oedd yn ymwneud â fy Hen Fodryb. Rwyf wedi bod yn lwcus i gwrdd â phobl hynod ddiddorol ac o'r un meddylfryd. Mae cwrdd â'r bobl hyn wedi rhoi cipolwg gwych i mi ar eu bywydau a'u diwylliannau, a sut mae hyn yn wahanol i fy mywyd. Rwy’n meddwl y gall Caerdydd roi cysur mawr i berson creadigol, ac os ydych chi’n agored iddo, mae’n lle sy’n llawn ysbrydoliaeth.

4. Pe bai'n rhaid i chi ddewis, ble fyddai eich hoff le yng Nghaerdydd?

Fy hoff le yng Nghaerdydd yw Bae Caerdydd. Mor aml pan fydd gen i ddiwrnod rhydd dwi'n meddwl mynd i'r bae am dro ac mae'n bendant yn helpu i glirio'ch pen. Ond ni allwch chi ychwaith guro stop cyflym ar gyfer crwst a choffi ar eich ffordd.

5. A oes gennych unrhyw obeithion penodol ar gyfer bywyd ar ôl graddio?

Rwy’n edrych ymlaen yn eiddgar at fywyd ar ôl graddio gan fy mod yn teimlo’n barod nawr. Fy nod yw sicrhau swydd mewn dylunio neu dorri patrwm, boed yn y diwydiant ffasiwn neu ddylunio gwisgoedd, gan mai gweithio gyda dillad yw fy mhrif ddiddordeb. Er fy mod yn mwynhau gwaith ymarferol gyda dillad, mae gennyf ddiddordeb hefyd mewn gweithio fel dylunydd digidol, er enghraifft creu pecynnau technoleg a chynhyrchu lluniadau technegol, gan fy mod yn gweld y broses hon yn gyffrous iawn.

6. Ble gallwn ni ddod o hyd i chi a'ch gwaith?

Gallwch ffeindio fy ngwaith ar Instagram @jamesaportfolio. 

Maddy Bowrey – BA (Hons) Dylunio Tecstilau

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Fy enw i yw Maddy ac rwy’n fyfyriwr dylunio tecstilau ym Met Caerdydd a fydd yn graddio’n fuan. Rwy’n dod yn wreiddiol o Gymru ond bellach yn byw yn Swydd Gaerlŷr. Rwy’n berson brwdfrydig a chyfeillgar iawn sydd, yn fy marn i, yn cyfieithu’n dda yn fy ngwaith diweddaraf, sy’n ymwneud â phlentyndod a’r teimlad o hiraeth. Roeddwn i eisiau creu darnau bywiog, cyffyrddol a chwareus i geisio adlewyrchu’r hwyl rydyn ni’n ei brofi yn ystod plentyndod.

2. Pam dewisoch chi astudio yng Nghaerdydd?

Mae gen i deulu ger Caerdydd a byddwn bob amser yn mwynhau ymweld â’r ddinas, felly roedd hynny’n ffactor, ac rwyf hefyd yn hoffi’r ffaith bod rhywbeth i’w wneud bob amser ac mae hefyd ger y traeth yr wyf yn ei garu. Roeddwn i hefyd yn hoffi pa mor eang oedd y cwrs dylunio tecstilau, gallu dysgu nifer o arferion a thechnegau newydd heb orfod arbenigo mor gynnar yn fy ngradd.

3. Sut mae eich amser yng Nghaerdydd wedi eich siapio a llywio eich ymarfer?

Mae byw yng Nghaerdydd wedi rhoi llawer o ryddid i mi ac rydw i wedi’i fwynhau, ac rwy’n meddwl ei fod wedi adlewyrchu yn fy ngwaith hefyd y gallu i wneud yr hyn rydw i eisiau yn greadigol hefyd.

4. Pe bai'n rhaid i chi ddewis, ble fyddai eich hoff le yng Nghaerdydd?

Mae'n debyg mai Parc y Rhath fyddai hwn, ac mae'r gerddi a'r llyn yno mor hyfryd yn y Gwanwyn/Haf.

5. A oes gennych unrhyw obeithion penodol ar gyfer bywyd ar ôl graddio?

Gobeithio cael swydd yn y maes Tecstilau/Ffasiwn ond dwi’n bwriadu teithio o gwmpas De-ddwyrain Asia hefyd, felly mae hynny’n rhywbeth dwi’n edrych ymlaen ato.

6. Ble gallwn ni ddod o hyd i chi a'ch gwaith?

Mae gen i Instagram lle dwi wedi postio lluniau o fy ngwaith @madstextiles  

Grace Griffiths – BA (Hons) Dylunydd: Gwneuthurwr

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Fy enw i yw Grace Griffiths, rwy'n hyfforddwr syrffio addasol a rheolwr cyfryngau cymdeithasol yn Surfability UK CIC, ysgol syrffio sy'n ymroddedig i unigolion ag anableddau ac anghenion ychwanegol. Astudiais Ddylunio: 3D ym Met Caerdydd, gan ganolbwyntio ar lygredd plastig, yn enwedig plastig cefnforol, gan adlewyrchu'r amgylchedd rwy'n ymgysylltu ag ef.

2. Pam dewisoch chi astudio yng Nghaerdydd?

Dewisais astudio yng Nghaerdydd oherwydd ei fod yn un o'r ychydig leoedd sy'n cynnig cwrs cynhwysfawr a oedd yn gadael i mi archwilio celf, dylunio, ac ymarfer crefft. Hefyd, rwy’n credu bod mannau gwyrdd a glas yn hanfodol ar gyfer ein llesiant, ac mae Caerdydd yn cynnig y ddau ar garreg ei drws, sy’n hanfodol i mi.

3. Sut mae eich amser yng Nghaerdydd wedi eich siapio a llywio eich ymarfer?

Mae Caerdydd wedi darparu amgylchedd amrywiol a chefnogol lle gallwn archwilio fy ymarfer. Fel myfyriwr ym Met Caerdydd, cefais fynediad at adnoddau gwych a gyfoethogodd fy safbwynt, yn enwedig wrth fynd i'r afael â materion amgylcheddol.

4. Pe bai'n rhaid i chi ddewis, ble fyddai eich hoff le yng Nghaerdydd?

Fy hoff le yng Nghaerdydd fyddai Parc Bute neu Fae Caerdydd!

5. A oes gennych unrhyw obeithion penodol ar gyfer bywyd ar ôl graddio?

Ar ôl graddio, fy nod yw parhau â'm gwaith gyda Surfability, wedi'i ysgogi gan fy angerdd dros syrffio. Drwy gydol y brifysgol, roeddwn yn ymchwilio ac yn datblygu cynnyrch ar gyfer syrffwyr â nam ar eu golwg. Nawr fy mod wedi cwblhau fy astudiaethau, edrychaf ymlaen at neilltuo mwy o amser i'r prosiect hwn.

6. Ble gallwn ni ddod o hyd i chi a'ch gwaith?

Dewch o hyd i mi naill ai yn y môr gyda Surfability UK CIC neu ar Instagram @gracie_griff  

Lucy Cook – BA (Hons) Celfyddyd Gain

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Rwy'n 22 ac yn dod o Torquay, Dyfnaint. Mae fy ngwaith yn canolbwyntio ar y cysyniad o gyfyngoldeb a hanfod gofod absennol yn ogystal â thrafod amwysedd amser a sut mae'n cael ei greu trwy gynrychioli ffurf a phresenoldeb mewn lleoedd di-swyddogaeth. Astudiais gelfyddyd gain BA(Anrh).

2. Pam dewisoch chi astudio yng Nghaerdydd?

Roeddwn i eisiau profi math newydd o ofod a rhoi fy hun yn y pen dwfn trwy symud ymhell o gartref.

3. Sut mae eich amser yng Nghaerdydd wedi eich siapio a llywio eich ymarfer?

Rwy'n meddwl bod y gymuned gelf anhygoel yma wedi ysbrydoli fy ymdrech artistig i ddod yn rhan ohoni.

4. Pe bai'n rhaid i chi ddewis, ble fyddai eich hoff le yng Nghaerdydd?

Fy hoff le yng Nghaerdydd yw traeth Sblot oherwydd y strwythurau diwydiannol rhyfedd sydd wrth ei ymyl.

5. A oes gennych unrhyw obeithion penodol ar gyfer bywyd ar ôl graddio?

Yn bennaf, hoffwn dreulio peth amser yn datblygu fy ymarfer a chwblhau rhai preswyliadau artist, gan wella fy sgiliau peintio technegol a chael ychydig mwy o brofiad ym maes celf cyn ymgymryd â gradd meistr yn rhywle newydd.

6. Ble gallwn ni ddod o hyd i chi a'ch gwaith?

Ar hyn o bryd mae fy ngwaith yn cael ei ddangos yn bennaf ar Instagram @lucy__cook, er fy mod yn gweithio ar wefan.

Perran Jack – BA (Hons) Ffotograffiaeth

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Yn hanu o Gernyw rydw i wastad wedi bod yn angerddol iawn am ffotograffiaeth o oedran ifanc. Yn chwilio am ddelweddau posib yn gyson, a byth yn gallu stopio meddwl am fy llun nesaf. Yn ffodus, cefais y cyfle i astudio ffotograffiaeth ym Mhrifysgol Fetropolitan Caerdydd. Yn fy ngwaith rwy'n hoffi archwilio ein perthynas â'r wlad rydyn ni'n byw ynddi, dod o hyd i harddwch yn y banal a thaflu goleuni ar yr anweledig. Rwyf wedi dogfennu materion yn amrywio o ddirywiad diwydiant yn Ne Cymru i flaenoriaethu ceir mewn cynllunio trefol i fy mhrosiect diweddaraf a therfynol o’r enw “Wag”. Prosiect lle gwnes i ddogfennu marwolaeth strydoedd mawr Prydain, rhywbeth sy’n hollbresennol ledled y wlad.

2. Pam dewisoch chi astudio yng Nghaerdydd?

Dewisais astudio yng Nghaerdydd ar ôl ymweld o'r blaen a syrthio mewn cariad â'r ddinas a phobl Cymru. Gan ei bod yn ddinas ond sydd ar yr un pryd ag ymdeimlad lleol o gymuned ac ysbryd. Rhywbeth y gallaf ei werthfawrogi yn dod o Gernyw.

3. Sut mae eich amser yng Nghaerdydd wedi eich siapio a llywio eich ymarfer?

Mae fy amser yng Nghaerdydd wedi siapio a thyfu fy ymarfer fel ffotograffydd yn ddramatig. Gyda chymorth fy narlithoedd rwyf wedi bod yn gwthio fy hun. Yn fwy penodol “pam” er ei bod yn anodd cyfiawnhau fy atebion weithiau mae’r adfyfyrio hwn ar fy ngwaith yn rhywbeth y byddaf yn bwrw ymlaen ag ef trwy gydol fy ngwaith personol a phroffesiynol i’r dyfodol.

4. Pe bai'n rhaid i chi ddewis, ble fyddai eich hoff le yng Nghaerdydd?

Mae'n debyg mai fy hoff ran o Gaerdydd fyddai'r amgueddfa genedlaethol sy'n cynnal amrywiaeth o ddarnau anhygoel o weithiau o rai fel Monet i Van Gogh. Hefyd, mae’n ofod arddangos cyfnewidiol gyda themâu rhyngwladol yn ogystal â rhai sydd â’u hunaniaeth wedi’i gwreiddio yn niwylliant a syniadau Cymru.

5. A oes gennych unrhyw obeithion penodol ar gyfer bywyd ar ôl graddio?

Fy nghynlluniau ar gyfer ar ôl prifysgol yw datblygu fy mhrosiect ymhellach a datblygu syniadau newydd ar gyfer prosiectau. Adeiladu ar ben fy ngyrfa bersonol a phroffesiynol.

6. Ble gallwn ni ddod o hyd i chi a'ch gwaith?

Gallwch weld fy ngwaith ar Instagram: @perranjack 

Leah Tanner – BA (Hons) Dylunio Graffig a Chyfathrebu 

1. A allech chi roi disgrifiad cyflym ohonoch chi'ch hun, eich gwaith, a'r pwnc y gwnaethoch chi ei astudio?

Rwy'n ddarlunydd ac yn ddylunydd graffeg gyda nod i gael effaith gadarnhaol trwy ddylunio trwy greu gwaith pwrpasol sy'n procio'r meddwl. Fe wnaeth astudio Dylunio Graffig a Chyfathrebu fy ngalluogi i ffynnu mewn prosiectau gyda chysyniadau cryf yn canolbwyntio ar ymgyrchu, newid, a brandio, gan arddangos fy angerdd dros gynhyrchu dyluniad effeithiol sy'n mynegi fy nghreadigrwydd a'm dychymyg i'r eithaf.

2. Pam dewisoch chi astudio yng Nghaerdydd?

Fe wnes i’r penderfyniad i astudio a symud i Gaerdydd er mwyn i mi allu cofleidio’r profiad o fyw mewn dinas newydd. Roedd Caerdydd gryn bellter o gartref a oedd yn cynnig bywyd nos gwych, gwyliau cerdd, caffis ciwt ar gyfer astudio, ac wrth gwrs yn cael ei henwi yn un o’r tair prifysgol orau yng Nghymru.

3. Sut mae eich amser yng Nghaerdydd wedi eich siapio a llywio eich ymarfer?

Rwy'n bendant yn meddwl bod y cwrs wedi datblygu a gwella fy mhroses ddylunio yn sylweddol. Ers astudio ym Met Caerdydd, rwyf wedi dysgu gwerthfawrogi pwysigrwydd ymchwil ac arbrofi ac wedi deall sut i gymhwyso'r sgiliau newydd hyn yn effeithiol i'm gwaith. O ganlyniad, mae fy nyluniadau bellach yn fwy arwyddocaol ac yn defnyddio dull datrys problemau, yn hytrach na bod yn bleserus yn esthetig yn unig. Roedd cael cynnig y cyfle i deithio i Rajasthan gyda’r brifysgol nid yn unig wedi fy ngalluogi i gael mewnwelediad i ddiwylliant y celfyddydau a dylunio traddodiadol, ond hefyd i archwilio’r offrymau diwylliannol unigryw yn nwy ddinas Rajasthan. Rwy’n credu fy mod wedi bod yn annibynnol ers pan oeddwn yn ifanc ond mae byw yng Nghaerdydd am y 3 blynedd diwethaf wedi rhoi hwb i fy hyder wrth wneud penderfyniadau bywyd pwysig.

4.  Pe bai'n rhaid i chi ddewis, ble fyddai eich hoff le yng Nghaerdydd?

Byddai'n rhaid i mi ddweud Parc Bute a'r caffis yn Cathays. Byddai mynd ar deithiau cerdded trwy Barc Bute lle byddwn yn mynd heibio i hwyaid a gwiwerod bob amser yn dod â gwên i'm hwyneb.

5. A oes gennych unrhyw obeithion penodol ar gyfer bywyd ar ôl graddio?

Mae gen i obeithion mawr i fod yn llwyddiannus iawn yn y diwydiant dylunio graffeg tra'n cynnal ffordd iach o fyw sy'n caniatáu i mi dyfu fel person ac fel dylunydd. Trwy gael profiadau gwerthfawr, byddwn yn gobeithio magu hyder yn fy ngallu i gael effaith gadarnhaol yn y byd dylunio.

6. Ble gallwn ni ddod o hyd i chi a'ch gwaith?

I gael y wybodaeth ddiweddaraf am fy rhaglenni cymdeithasol a phrosiectau newydd, gallwch ddod o hyd i mi yn @tanner.dsgn ar Instagram neu gallwch ddod o hyd i ragor o wybodaeth am fy mhrosiectau ar fy ngwefan yn tannerdsgn.uk