Taith dywys ryngweithiol a gweithdy creadigol i ddarganfod ac ail-ddweud hanes Caerdydd
Dechrau at Adeiliad Morgannwg, mae’r daith ryngweithiol hon yn tywys cyfranogwyr drwy’r ddinas, gan dynnu sylw at hanesion cymhleth ac ymylol Caerdydd.
Yn dilyn y daith, byddwn yn dod at ein gilydd yn Hwb y Llyfrgell Ganolog i rannu syniadau ac ail-fapio hanes a daearyddiaeth Caerdydd yn greadigol. Bydd cyfranogwyr yn gallu mynd â dulliau ymarferol a syniadau ar gyfer ailfeddwl ffyrdd o gynrychioli hanes eu tref neu ddinas eu hunain.
Mae’r digwyddiad hwn, a arweinir gan ymchwilwyr o Goleg y Celfyddydau, Dyniaethau a Gwyddorau Cymdeithasol Prifysgol Caerdydd mewn partneriaeth â The Wallich (elusen gofrestredig sy’n gweithio i roi terfyn ar ddigartrefedd yng Nghymru), yn adeiladu ar ymchwil a chymuned o arfer rhwng academyddion, grwpiau cymunedol a chymdeithasau yng Nghaerdydd a thu hwnt i ddeall yn well beth mae 'dad-drefedigaethu'r ddinas' yn ei olygu yn ymarferol.
Bydd y daith yn un araf deg, ar lwybrau hygyrch gydag opsiynau i gael seibiant ac amser tawel. Bydd lleoliad y gweithdy yn gwbl hygyrch. Anogir cyfranogwyr i ddod â ffonau clyfar i dynnu lluniau o'r ddinas i'w defnyddio yn y gweithdy collage ar ôl y daith.
Mae'r digwyddiad hwn yn rhan o Bod yn Ddynol, gŵyl genedlaethol dyniaethau'r DU a gynhelir 7-16 Tachwedd 2024. Arweinir Gŵyl Bod yn Ddynol gan yr Ysgol Astudiaethau Uwch ym Mhrifysgol Llundain, gyda chefnogaeth gan Research England, mewn partneriaeth â Chyngor Ymchwil y Celfyddydau a'r Dyniaethau a'r Academi Brydeinig. Mwy o wybodaeth yn beinghumanfestival.org
