Ni yw Canolfan Mileniwm Cymru. Tanwydd i’r dychymyg
Teitl y Rôl: Partner Busnes Adnoddau Dynol (12 mis – dros gyfnod mamolaeth)
Ystod Cyflog: £29,718 - £34,666y flwyddyn
Dyddiad Cau: 23 Ionawr 2025
Dyddiad Cyfweld:30 Ionawr a 6 Chwefror 2025
Amdanom Ni/Ein Hadran
Rydym yn chwilio am Bartner Busnes Adnoddau Dynol i ymuno â'n sefydliad cyffrous a chydnabyddedig. Mae Canolfan Mileniwm Cymru yn gartref i’r celfyddydau yng Nghymru, ac yn grochan o greadigrwydd i’r genedl, yn gweithio gydag artistiaid, pobl ifanc a chymunedau a byddem wrth ein bodd i’ch croesawu i’n tîm.
Rydym yn dîm AD sy'n canolbwyntio ar wella profiad cyflogeion trwy awtomeiddio ein prosesau, creu amgylchedd gwaith ysbrydoledig a deniadol a hyrwyddo arferion gorau o ran mentrau Amrywiaeth a Chynhwysiant. Mae gennym agenda cynhwysfawr ar gyfer ein Pobl a dyma gyfle i chi chwarae rhan allweddol ynddi.
Ynglŷn â’r Rôl a’r Cyfrifoldebau
Bydd y rôl yn atebol i’r Pennaeth Adnoddau Dynol a Datblygu Sefydliadol a bydd yn cefnogi ac yn hybu gweithrediad strategaeth pobl CMC.Byddwch yn darparu cyngor ac arweiniad arbenigol i arweinwyr CMC ym mhob maes AD i gefnogi cyflawniad gweledigaeth CMC, gan gynnwys ond heb fod yn gyfyngedig i, rheoli absenoldeb, rheoli perfformiad, dysgu a datblygu, gwobrwyo a chydnabod, ymgysylltu â gweithwyr a chysylltiadau gweithwyr.
Byddwch yn gyfrifol am sicrhau’r wybodaeth ddiweddaraf am ddeddfwriaeth cyflogaeth ac arfer gorau gan ddefnyddio'r wybodaeth hon i greu, datblygu, adolygu a gweithredu polisïau a newidiadau cytundebol.
Byddwch yn arwain y gwaith o weithredu prosiectau i wella'r gwasanaeth a ddarperir i'r sefydliad, gan ganolbwyntio'n benodol ar weithredu a datblygu system recriwtio newydd i wneud y gorau o'i llawn botensial. Bydd prosiectau eraill yn cynnwys rhaglenni recriwtio a datblygu i ddenu a chadw talent newydd.
Gellir cyflawni'r rôl hon ar sail hybrid gydag o leiaf 3 diwrnod ar y safle, yn dilyn cyfnod sefydlu cychwynnol.
Mae’n bosib y bydd angen gwiriad DBS ar gyfer eich rôl.
Gofynion Allweddol
- Bydd gennych ddealltwriaeth gyffredinol gref o bob maes AD, gan gynnwys caffael a datblygu talent, ymgysylltu â gweithwyr, deddfwriaeth cyflogaeth a chysylltiadau gweithwyr
- Profiad amlwg o greu, datblygu a gweithredu polisïau a newidiadau cytundebol
- Byddwch wedi arwain yn llwyddiannus ar ystod o fentrau gwella AD ar draws systemau, awtomeiddio prosesau a gwelliannau, gyda sgiliau rheoli prosiect amlwg i gyflawni prosiectau gwella AD yn effeithiol, ar amser a chyda lefel uchel o ansawdd ac ymgysylltiad
- Y gallu i ddatrys problemau yn hyderus, adnabod atebion a'u rhoi ar waith yn gyflym
- Yn atebol am eich gweithredoedd eich hun, yn gweithio mewn modd rhagweithiol a chyda menter gref
- Sgiliau rheoli perthynas ardderchog a'r gallu i adeiladu a chynnal partneriaethau gwaith
- Byddwch yn meddu ar gymhwyster CIPD lefel 5 neu brofiad cyfatebol amlwg.
Beth Sydd Ynddo i Chi?
- 25 diwrnod o wyliau blynyddol gan gynnwys gwyliau banc
- Cyfraniad pensiwn o 8% gan y cwmni (ar gyfer eich cyfraniad o 2%)
- Gwell absenoldeb mamolaeth, tadolaeth, mabwysiadu, a rhiant a rennir (yn amodol ar hyd gwasanaeth)
- Cynllun arian iechyd: derbyn arian tuag at ofal deintyddol ac optegol, triniaethau cyflenwol megis triniaethau ceiropracteg, osteopathig ac aciwbigo
- Aelodaeth Cymorth Feddygol sy'n cynnwys mynediad o bell at Feddyg Teulu, cwnsela, a sesiynau ffisiotherapi
- Rhaglenni cymorth i weithwyr sy'n cynnwys mynediad at wasanaethau cymorth ar gyfer pryderon cyfreithiol, ariannol a theuluol
- Yswiriant bywyd o 4 x cyflog blynyddol
- Cyfle i wneud cais am docynnau ar gyfer cynyrchiadau
- CLWB – ein grŵp cymdeithasol ar gyfer cyflogeion
- NEWID – ein grŵp rhwydweithio Cydraddoldeb, Amrywiaeth a Chynhwysiant sydd yn cwrdd yn fisol i drafod syniadau newydd a chyfleoedd hyfforddi i wella pob agwedd ar gyflogaeth yn y Ganolfan
- Gwersi Cymraeg am ddim ar lein
- Parcio am £5 am ddiwrnod cyfan ar ddiwrnodau gwaith a phan nad ydych yn gweithio
- Wythnos waith 35 awr gan gynnwys polisi oriau hyblyg i gynorthwyo gydag amseroedd cychwyn a gorffen amrywiol o amgylch ymrwymiadau personol (ac anghenion gweithredol)
Yng Nghanolfan Mileniwm Cymru, mae ein hymrwymiad i amrywiaeth a chynhwysiant yn mynd y tu hwnt i eiriau; mae’n agwedd sylfaenol sy’n llywio ein gweithredoedd. Gan gadw at yr egwyddorion a amlinellir yn Adran 158 o Ddeddf Cydraddoldeb 2010, rydym yn mynd ati’n frwd i gymryd camau positif yn ein prosesau recriwtio a dethol. Gan gydnabod y diffyg cynrychiolaeth o grwpiau penodol o fewn ein gweithlu, yn enwedig unigolion ag anableddau a’r rheini o gefndiroedd Du, Asiaidd ac ethnig amrywiol, rydym wedi rhoi mesurau rhagweithiol ar waith i fynd i’r afael â’r gwahaniaeth hwn.
Trwy ein hymagwedd gweithredu positif, bydd ymgeiswyr ar gyfer y rolau a hysbysebir gennym, sydd o'r grwpiau hynny sydd heb gynrychiolaeth ddigonol ac sy'n bodloni'r meini prawf gofynnol a nodir yn y proffil rôl, yn cael eu rhoi ar y rhestr fer ar gyfer cyfweliad. Mae ein hymrwymiad yn ymestyn y tu hwnt i fodloni rhwymedigaethau cyfreithiol. Ein nod yw meithrin gweithle sy'n wir croesawu amrywiaeth gyfoethog ein cymdeithas hollgynhwysol.
