Mae Ystafelloedd Dosbarth Caerdydd Creadigol yn gyfres newydd o ddigwyddiadau sy’n galluogi pobl greadigol i blymio’n ddyfnach i thema benodol mewn gweithdai grwpiau bach gyda hwylusydd profiadol. Gyda chymhorthdal gan Gaerdydd Creadigol, mae holl ddigwyddiadau Classroom yn £10 yn unig i fynychu.
Yn 2024 / 2025, bydd ein Hystafelloedd Dosbarth Caerdydd Creadigol yn canolbwyntio ar y sector ysgrifennu, llenyddiaeth a chyhoeddi.
Ar 17 Medi, rydym yn cynnal sesiwn ragarweiniol i genre ysgrifennu teithio.
Ers canrifoedd, mae teithio wedi ysbrydoli morwyr a theithwyr eraill i gychwyn ar deithiau pell, a chofnodi eu hanturiaethau. Yn yr oes ddigidol, mae ysgrifennu teithio wedi cymryd ffurfiau newydd, a gellir ei fynegi mewn llu o ffyrdd newydd. Gan gymryd ysbrydoliaeth gan awduron sy’n gwthio ffiniau’r hyn sy’n gyfystyr ag ysgrifennu teithio, bydd y gweithdy hwn yn gwahodd cyfranogwyr i arbrofi gyda ffurfiau modern o ysgrifennu teithio: o gadw dyddiadur teithio i flogio, yn cymysgu llyfrau ffeithiol â ffuglen, ac ailfeddwl sut rydym yn gweld y gofodau o'n cwmpas.
Mwy am yr hwylusydd: Sophie Buchaillard
Awdur Franco-Brydeinig yw Sophie, a aned ym Mharis i deulu crwydrol. Teithiodd yn helaeth a bu'n byw yn Ffrainc, Sbaen a'r Unol Daleithiau, cyn gosod ei phabell yn Ne Cymru, 23 mlynedd yn ôl. Cyrhaeddodd ei nofel gyntaf This Is Not Who We Are (Seren, 2022) restr fer Llyfr y Flwyddyn 2023. Mae ei hail nofel Assimilation (Honno, 2024) yn archwilio themâu mudo a pherthyn drwy dair cenhedlaeth o fenywod. Mae hi wedi cyhoeddi dau draethawd ar y profiad o deithio a mudo: ‘Revolving Doors’ yn New Travel Writing for a Precarious Century ed. Steven Lovatt (Parthian, 2022) a ‘Tangled Thoughts from a Migrant Mother’ yn gol Woman’s Wales. Emma Schofield (Parthian, 2024). Roedd ei PhD mewn Ysgrifennu Creadigol a Beirniadol yn canolbwyntio ar ysgrifennu teithio, hunaniaeth ddiwylliannol a’r nofel fyd-eang. Mae hi’n Uwch Gymrawd yr Academi Addysg Uwch, wedi dysgu ysgrifennu creadigol ym Mhrifysgol Caerdydd, ac yn cynnig gweithdai ysgrifennu a mentora i gefnogi darpar awduron i ddatblygu eu hymarfer ysgrifennu @growriter.
