Soniwch amdanoch eich hun a'ch cefndir creadigol
Mae Fine Rolling Media yn asiantaeth cynhyrchu creadigol sydd wedi'i lleoli ychydig y tu allan i Gaerdydd. Lansiwyd y cwmni ddeng mlynedd yn ôl i eleni, o'r tu mewn i garafán bach cyfyng. Erbyn hyn, rydym yn gweithio yn ystafelloedd busnes Chapel Barns, sef lleoliad prydferth ym Merthyr Mawr, Pen-y-bont ar Ogwr.
Rydym yn arbenigo mewn ffilmiau brand wedi'u sgriptio a'u harwain gan naratif a hysbysebion ar gyfer busnesau bach a mawr. Rydym hefyd yn treulio rhan sylweddol o’n hamser yn creu fideos ar gyfer y trydydd sector ac elusennau sydd o bwys mawr inni.
Wrth i ni ganolbwyntio ar brosiectau masnachol, mae ein tîm o wneuthurwyr ffilm, awduron a sinematograffwyr arobryn yn gwneud yn siŵr eu bod yn neilltuo amser bob blwyddyn i greu ffilmiau byr, rhaglenni dogfen a fideos cerddoriaeth. Mae llawer o’r rhain wedi mynd ymlaen i gael eu sgrinio o amgylch y byd ac ennill nifer o wobrau’r diwydiant.
Beth yw eich Cam Creadigol Cyntaf, felly?
Ein cam creadigol cyntaf oedd cynhyrchu cyfres ddogfen genedlaethol o fideos ar gyfer elusen y penglog a’r wyneb o'r enw Headlines Craniofacial Support. Roedd y fideos yn cyd-fynd â'u prosiect ymchwil o'r enw ACCORD. Fe'i cynlluniwyd i godi ymwybyddiaeth o amgylch pobl â chyflyrau’r wyneb a’r penglogl a ffurfio cronfa o straeon a phrofiadau y gall pobl â chraniosynostosis eu defnyddio i gael cefnogaeth, gwybodaeth, ac i deimlo eu bod yn cael eu 'gweld'. Lansiwyd y prosiect ar-lein ar ôl cael ei ddangos am y tro cyntaf mewn digwyddiad y gwerthwyd pob tocyn ar ei gyfer, a gynhaliwyd yn Ultimate Picture Palace Rhydychen.
Beth oedd yr her fwyaf?
Daeth ein her fwyaf ar ffurf darganfod y math o bobl y byddai pob fideo yn canolbwyntio arnynt. Roeddem yn gwybod ein bod yn awyddus i bob fideo gael ei drwytho â phersonoliaeth y person dan sylw a bod yn hollol wahanol i’r lleill yn y gyfres, iddo deimlo fel profiad gwylio cynhwysol i bawb oedd yn gwylio.
Gwnaethom ymchwil ddrud ar craniosynostosis fel cyflwr ac ar y gwirfoddolwyr a oedd yn mynd i fod yn sêr pob pennod. Roeddem yn teimlo'n ymwybodol iawn y gallai un cam neu ragdybiaeth anghywir ar ein rhan ni rwystro'r prosiect cyfan.
Buom yn siarad â'n sêr am oriau yn ystod y cyfnod cyn-gynhyrchu ac wrth wneud y gyfres, ac rydym yn falch o ddweud ein bod bellach yn cyfrif yr unigolion unigryw hyn fel ffrindiau, yn ogystal â phynciau yn y gyfres yn unig. Roedd gweld eu llygaid yn disgleirio wrth iddynt gerdded ar hyd y carped coch yn y perfformiad cyntaf a gweld eu hunain ar y sgrin am y tro cyntaf yn rhyddhad mawr. Rydyn ni mor falch na wnaethon ni eu siomi.
Allwch chi rannu awgrymiadau i eraill?
-
O ran creu rhaglen ddogfen, byddem yn argymell bod â gweledigaeth gryno, sydd wedi’i mireinio, ar gyfer y prosiect. Yn aml, rydym yn cynnal rhag-gyfweliadau nad ydynt byth yn cyrraedd y prosiect terfynol i gael synnwyr o'r stori yr ydym am ei hadrodd. Yna mae ein hysgrifennwr mewnol yn creu amlinelliad i’r naratif ei ddilyn. Cofiwch, ni fydd sgript gennych chi tan y cyfnod ôl-gynhyrchu o leiaf, felly po fwyaf o waith y byddwch chi'n ei wneud i ddod o hyd i'ch stori yn y camau cynnar, y mwyaf boddhaol y bydd i'r gynulleidfa wrth ei gwylio.
-
O ran cyngor ar weithio gydag elusennau neu bobl â gallu gwahanol. A bod yn onest, er ei bod yn bwysig gwneud eich gwaith cartref a darganfod a oes unrhyw gonsesiynau yn y broses gwneud ffilmiau y gallwch eu gwneud i greu amgylchedd dymunol ar eu cyfer, rydym wedi canfod ei bod yn hollol wir bod trin pobl yn yr un modd yr hoffech chi gael eich trin yn gweithio mewn gwirionedd. Er enghraifft, ar y prosiect hwn, aethon ni allan i barti gyda rhai o'n gwirfoddolwyr ar ôl ffilmio. Roedd yn helpu pawb i ymlacio ac yn eu gwneud iddyn nhw deimlo’n ddiogel yn ein presenoldeb. Efallai y bydd pobl eraill yn cael eu temtio i'w lapio mewn gwlân cotwm, ond rydym wedi darganfod bod eu taflu yn y pen dwfn yn aml yn arwain at ganlyniadau gwell.
Pam dewis Caerdydd ar gyfer eich Cam Creadigol Cyntaf?
Fel cwmni Cymreig, Caerdydd yw ein prifddinas, ac rydym yn falch iawn o hynny. O ran chwilio am leoliadau ar gyfer unrhyw fath o brosiect, mae Caerdydd yn ddelfrydol. Nid yn unig y mae ar garreg ein drws, ond mae’n gartref i’r diwydiant gwneud ffilmiau yng Nghymru. Mae’r diwydiant yn ffynnu ar hyn o bryd—ac mae gan Gaerdydd ran enfawr i’w chwarae ym myd ffilm a theledu.
Rydym yn falch o fod yn gweithio mewn cornel fach o'r byd hwnnw.
